ტურის თარიღები: გარანტირებული გასვლა ყოველ კვირას, მთელი წლის განმავლობაში.
ჯგუფთან შემოერთების პირობები: თქვენი ჩამოფრენა უნდა ემთხვეოდეს კვირა დღეს თბილისის აეროპორტში, ხოლო გაფრენა მომდევნო ოთხშაბათს ბაქოს აეროპორტიდან.
ტურის ხანგრძლივობა: 11 დღე / 10 ღამე. 

ტურის აღწერილობა: 

კვირა: ჩამოსვლის დღე 
დახვედრა თბილისის აეროპორტში და ტრანსფერი სასტუმროში. განთავსება 15:00-ის შემდეგ. 
ღამისთევა თბილისში. 

ორშაბათი: თბილისი - ჯვარი - მცხეთა
10:00 - ტურს ვიწყებთ სამების საკათედრო და მეტეხის ტაძრების მონახულებით, გავაგრძელებთ ტურს აბანოთუბანში, რომელიც ცნობილია გოგირდოვანი წყლების აბანოებით. ევროპის მოედნიდან საბაგირო გზით ავალთ ნარიყალას ციხეზე, გავისეირნებთ შარდენის ქუჩაზე, რომელიც სავსეა სუვენირების და საჩუქრების მაღაზიებით. შეუძლებელია ძველი თბილისის ტური დასრულებულად ჩაითვალოს სიონის საკათედრო ტაძრისა და ანჩისხატის ბაზილიკის მონახულების გარეშე. თავისუფლების მოედნიდან გავუყვებით თბილისის მთავარ ქუჩას - რუსთაველის გამზირს და გავაგრძელებთ გზას ჯვრის მონასტრისკენ, რომელიც VI საუკუნით თარიღდება. აქედან იშლება ულამაზესი პანორამული ხედი ქალაქ მცხეთაზე, რომელიც მდებარეობს ორი მდინარის შესართავს შორის. აქედან გავემგზავრებით ქალაქ მცხეთაში. მოვინახულებთ სვეტიცხოველის საკათედრო ტაძარს და დავბრუნდებით თბილისში.
ღამისთევა თბილისში. კვება: საუზმე. მანძილი: 100 კმ / 60 მილი

სამშაბათი: ანანური - გუდაური - ყაზბეგი - გერგეთი - თბილისი
09:00 - დილით გავემგზავრებით კავკასიონის მთებისკენ. გზად შევჩერდებით ჟინვალის წყალსაცავზე და მოვინახულებთ ანანურის ციხეს. გავაგრძელებთ გზას გუდაურის სამთო-სათხილამურო კურორტისკენ. გავყვებით საქართველოს ყოფილ სამხედრო გზას და ჯვრის უღელტეხილის გავლით ჩავალთ სტეფანწმინდაში, სადაც დავტკბებით გერგეთის მომნუსხველი ხედებით. ადგილობრივ ოჯახში ეგზოტიკური სადილის მირთმევის შემდეგ, დავბრუნდებით თბილისის სასტუმროში.
ღამისთევა თბილისში. კვება: საუზმე და სადილი. მანძილი: 350 კმ / 220 მილი

ოთხშაბათი: სიღნაღი - ბოდბე - ყვარელი - თელავი
09:00 - დილით გავემგზავრებით ციხე-ქალაქ სიღნაღში, რომელიც შემოფარგლულია 28 სამეთვალყურო კოშკიანი კედლით. მოვინახულებთ ბოდბის დედათა მონასტერს. მონასტრის ტერიტორიიდან იშლება ხედები საუკეთესო ქართული ღვინოების მიწაზე - ალაზნის ველზე, რომლელიც გარშემორტყმულია დიდი კავკასიონის ქედებით. ბოდბეს შემდეგ, შევჩერდებით ხარებას ღვინის გვირაბში, სადაც დავაგემოვნებთ ადგილობრივი ტრადიციების შესაბამისად, ქვევრში დამზადებულ კახურ ღვინოებს. მოვინახულებთ გრემის ციხეს, რის შემდეგაც გავაგრძელებთ გზას თელავისკენ და დავათვალიერებთ ძველ ქალაქს.
ღამისთევა კახეთში. კვება: საუზმე. მანძილი: 200 კმ / 125 მილი

ხუთშაბათი: ალავერდი - წინანდალი - შუამთა
09:00 - ტურს დავიწყებთ თელავის ბაზრის დათვალიერებით და გავაგრძელებთ გზას ალავერდის საკათედრო ტაძრისკენ. XI საუკუნეში აშენებული ალავერდი, ერთერთია ქვეყნის ოთხი ყველაზე დიდი საკათედრო ტაძრიდან და ყველაზე მაღალი ტაძარია საქართველოს უძველეს ტაძრებს შორის. შემდეგი გაჩერება წინანდლის საგვარეულო მამულში, რომელიც ცნობილია თავისი სილამაზით. უფლისწული ალექსანდრე ჭავჭავაძე იყო ცნობილი პოეტი და საზოგადო მოღვაწე საქართველოში. მის სახლში ჩვენ ვნახავთ ხელოვნების გალერეას და ბარს, სადაც შესაძლებელია ევროპული ტექნოლოგიით დამზადებული პირველი ქართული ღვინის - წინანდლის დაგემოვნება. გავაგრძელებთ ტურს იყალთოს აკადებიაში და შუამთის სამონასტრო კომპლექსში, გავემგზავრებით სასტუმროში.
ღამისთევა კახეთში. კვება: საუზმე. მანძილი: 90 კმ / 55 მილი

პარასკევი: გორი - უფლისციხე - ქუთაისი
09:00 - გავეწერებით თბილისის სასტუმროდან და გავემგზავრებით საქართველოს სიდიდით მეორე ქალაქ ქუთაისში. პირველ რიგში, მოვინახულებთ უფლისციხის გამოქვაბულში ნაკვეთ ქალაქს და სტალინის დაბადების ადგილს და მუზეუმს გორში. ქუთაისში ჩასვლის შემდეგ, ვეწვევით ბაგრატის ტაძარს, გელათის სამონასტრო კომპლექსს და მოწამეთას მონასტერს.
ღამისთევა ქუთაისში. კვება: საუზმე, ვახშამი. მანძილი: 350 კმ / 220 მილი

შაბათი: ოკაცეს კანიონი - თბილისი
09:00 - ამ დღეს გვექნება ექსკურსია ქუთაისის ძველ ქალაქში, საიდანაც გავუდგებით გზას ოკაცეს კანიონებისკენ - ეს არის სოფელ გორდიში მდებარე ბუნებრივი მონუმენტი, რომელიც მოიცავს ღრმა და ვიწრო ხეობას, მდინარე ოკაცეს მიმდებარედ. აქ გავუყვებით (დაახლოებით 2 საათი) კანიონის საფეხმავლო ბილიკს ისტორიული ტყის გავლით, სადაც შეგვხვდება რამდენიმე ჩანჩქერი, 780 მ სიგრძის დაკიდული ბილიკი რამდენიმე საფეხურიანი კიბით და პანორამული ხედებით. ოკაცეს კანიონიდან გავემგზავრებით თბილისისკენ.
ღამისთევა თბილისში. კვება: საუზმე. თრექინგი 2 საათი. მანძილი: 350 კმ / 220 მილი

კვირა: ლაგოდეხი – აზერბაიჯანის საზღვარი – შეკი
დილით გავემგზავრებით საქართველო-აზერბაიჯანის საზღვარზე ლაგოდეხში. გადავკვეთთ საზღვარს და შევხვდებით აზერბაიჯანელ გიდს, რომელიც გაგვაცნობს აზერბაიჯანს - ცეცხლის ქვეყანას. გავემგზავრებით შეკში. გზად, სოფელ კიშში, მოვინახულებთ პირველ ალბანურ ეკლესიას კავკასიაში, რომელიც დათარიღებულია ჩვენი წელთაღრიცხვის 1-ლი საუკუნით. შეკში ჩასვლის შემდეგ, გვექნება ღირშესანიშნაობათა მოკლე ტური: შეკის შუასაუკუნოვანი ციხესიმაგრე, ხანების სასახლე, ხელნაკეთობათა სახელოსნო, ქალაქის პანორამული ხედი, მადრასაჰის მეჩეთი და ადგილობრივი ბაზარი.
ღამისთევა შეკში.. კვება: საუზმე. მანძილი: 300 კმ / 190 მილი

ორშაბათი: შამაქი – ბაქო
დილით გავემგზავრებით ბაქოში. გზად ვეწვევით ჯუმას ისტორიულ მეჩეთს და შვიდი გუმბათის მავზოლეუმი - იედი გუმბეზი ქალაქ შამაქში. მოვინახულებთ შირვან შაჰის საოჯახო სასაფლაოს. ბაქოში ჩასვლის შემდეგ გვექნება ავტობუსის ღამის ტური (1 სთ).
ღამისთევა ბაქოში. კვება: საუზმე. მანძილი: 300 კმ / 190 მილი

სამშაბათი: აბშერონის ნახევარკუნძული – ქობუსტანი – ბაქო
ამ დღეს ჩვენ მოვინახულებთ დიდი ბაქოს მიდამოებს და აბშერონის ნახევარკუნძულს. დავიწყებთ ტურს ქობუსტანის ეროვნული პარკით. ვეწვევით პეტროგლიფების მუზეუმს, სადაც დავათვალიერებთ ჩვენს წელთაღრიცხვამდე 10 000 წლით დათარიღებულ პეტროგლიფებს. გავაგრძელებთ ტურს ქობუსტანის ნაკრძალის ტალახის ვულკანების მონახულებით. მსოფლიოში არსებული ტალახის ვულკანების თითქმის ნახევარი ქობუსტანში მდებარეობს. მოგვიანებით გავემგზავრებით სოფელ სურახანში მდებარე, ატეშჰას ცეცხლთაყვანისმცემელთა ციხესიმაგრისკენ. ინდოელი ზოროასტრები ათასობით კილომეტრს გადიოდნენ ატეშჰაში, დედამიწის გულიდან ამოსული ცეცხლის თაყვანსაცემად. გავემგზავრებით იანარდაგის მთისკენ, სადაც უკვე ათასობით წელია ანთია ბუნებრივი აირის ცეცხლი.
ღამისთება ბაქოში. კვება: აუზმე. მანძილი: 250 კმ / 155 მილი

ოთხშაბათი: გამგზავრება
ტრანსფერი ბაქოს აეროპორტში.

ტურის ფასი მოიცავს:
- აეროპორტის ტრანსფერები
- ექსკურსიები
- განთავსება - 10 ღამე
- საუზმე სასტუმროებში
- სადილი ყაზბეგში
- ვახშამი ქუთაისში
- მუზეუმების ბილეთები
- ღვინის დეგუსტაცია კახეთში
- გიდის მომსახურება

დამატებითი მომსახურება:
ღამის დამატება სასტუმროში: 325 ლარი ოთახი, საუზმისა და გადასახადების ჩათვლით
ჯომარდობა არაგვზე (90 წუთი): 130 ლარი ერთ პერსონაზე, ტრანსფერების ჩათვლით

ჯგუფის მაქსიმალური რაოდენობა არის 8 ადამიანი. ყველა ტური გარანტირებულია, თუ იქნება თავისუფალი ადგილები ჯგუფში. ჯგუფში დამატების სურვილის შემთხვევაში, მოგვწერეთ.

აზერბაიჯანის ვიზა: https://evisa.gov.az/en/
საქართველოს ვიზა: https://www.evisa.gov.ge/GeoVisa/